▫️ Ари аԥхьа ашкол ахыбра закәандарала априватизациа азуын.  Гагра араион администрациа иабзоураны аҳәынҭқарратә хатәтәрахьы ирхынҳәын.   

▫️ Аҳәынҭқарра Ахада иаҵшьны иазгәеиҭеит Гагра араион анапхгара ашкол аҳәынҭқарратә хатәтәрахьы архынҳәразы иаднакылаз азыӡба аҵакы, уи иашаны ишыҟаҵаз ҳәаны.

▫️ Аиҭашьақәыргыларатә усурақәа мҩаԥысуеит Гагра араион ахарџьқәа рыла.

▫️ Ахада иазгәеиҭеит Гагра араион афинанстә цхыраара шаҭахо арҿыцратә усурақәеи ашкол аартреи рырццакразы.   

▫️ Арҿцыратә усурақәа рхыркәшара ашьҭахь Цандрыԥшь аҳаблаҟны раԥхьаӡакәны аԥсуа школ аартхоит 600-ҩык ахәыҷқәа аҵара дырҵаразы алшара аԥҵаны. 

▫️ Цандрыԥшь аҳабла администрациа ахада ихаҭыԥуаҩ Џьопуа Артур Ахада адырра ииҭеит   ахәыҷбаҳчақәа разымхара шыҟоу азы.

▫️ Гәынба Бадра ирабжьигеит Цандрыԥшьтәи ашкол акорпусқәа руак рҿыцны ахәыҷбаҳчазы аиҭеибыҭара.

▫️ Араион анапхгара изыхәҭоу анапынҵа рыҭоуп уи анагӡаразы ажәалагалақәа разырхиаразы.