Аҳәынҭқарра Ахада Гәынба Бадра Москва усутә ныҟәарыла иҟазаараан Жәлар рынхамҩа ацәыргақәҵаҟны иҟоу Аԥсны Аҳәынҭқарра апавильон даҭааит.   ▫️ Ааигәа апавильон аҿы аиҭашьақәыргыларатә усурақәа хыркәшан. Атәыла ахада имҩаԥгаз аиҭашьақәыргылара алҵшәақәа еиликааит, аекспозициатә залқәа гәеиҭеит, ацәыргақәҵатә ҵакыра ԥхьаҟатәи аҿиара азҵаарақәа дрылацәажәеит.   ▫ ️ Аҳәынҭқарра ахада идгалан ирҿыцу апавильон аконцепциа, акультуратәи аусуратәи программа арҭбаара, Аԥсны Аҳәынҭқарра аинвестициатә, атуристтә лшарақәа,  Аԥснытәи аарыхыҩцәа раалыҵи рӡыргарақәа рымҩаԥгара азԥхьагәазҭо.   ▫ ️ Иазгәаҭоуп апавильон Аԥсни Урыстәылатәи Афедерациеи рыбжьара агуманитартәи, аекономикатәи, аусуратәи еимадарақәа рырӷәӷәаразы акрызҵазкуа ҭыԥны аҟалара ишазку.   ▫ ️ Аҳәынҭқарра Ахада дицын Урыстәылатәи Афедерациаҟны иҟоу Аԥсны Аҳәынҭқарра Аҷыдалкаатә зинмчы змоу Ацҳаражәҳәаҩ Алхас Кәыҵниа.