Гәынба Бадра иазгәеиҭеит ас еиԥш адепутатцәа ирыдыркылаз аӡбамҭа иахьа араион аҟны иҟоу аиҭакрақәа иарҭаз ахәшьара шаныԥшыз.  

"Иахьа ара имҩаԥысуа аиҭакрақәа рыхә ҳаракны ишьоуп. Араион аҟны иааԥшыз арбагақәа убаратәы иҟоуп. Ҩышықәса ирылагӡаны араион абиуџьет ҩынтәи бжаки рыла еизҳаит - ари имҩаԥысуа аҿиара иазҳәоуп. Ааи, ииашаҵәҟьаны, иҟоуп афакторқәа уи иацхраауа. Владислав Григори-иԥа Арӡынба  ихьӡ зху жәларбжьаратәи аҳаир баӷәаза араион аҿиара акыр иацхраауеит. Убас шакәугьы, администрациа ахада араион иазыҟазаашьа, ауааԥсыра дышрызнеиуа уҳәа

Убароуп. Убри аганахьала, агәра згоит, администрациа ахада,  администрациа араион аусзуцәа хықәкыла рымч-рылша зегьы акрызҵазкуа азҵаарақәа рыӡбара ишазырукуа",-иҳәеит Гәынба Бадра.

Гәылрыԥшь араион администрациа ахада Ҳаразиа Саид Ахадеи араион Аизареи иҭабуп ҳәа реиҳәеит иҟарҵаз адгыларазы.

"Сара еилыскаауеит снапы иануи административттә дгьылҵакыра анаҩсгьы, ажәлар рҭахрақәеи ргәыӷрақәеи ишырхаҵгылатәу, ирыԥгылоу ауадаҩрақәа рыӡбара шаҭаху. Агәра згоит, ҳаидгылар ҳраион шәҭыкакаҷуа ишыҟаҳҵо", - иҳәеит Саид Ҳаразиа.