Аԥсны Аҳәынҭқарра Ахада Гәынба Бадреи Урыстәыла Ахада Иадминистрациа Анапхгаҩы Актәи ихаҭыԥуаҩ Сергеи Кириенкои рхы аладырхәит аицлабра "Асас дыздызкыло Аԥсны" аихшьалақәа рыҟаҵареи аиааира згаз аҳамҭақәа ранашьареи ирызкыз аусмҩаԥгатә, уи мҩаԥысит С.Ҷанба ихьӡ зху Аԥсуа ҳәынҭқарратә драматә театр аҟны.
Аицлабра Икоммерциатәым аиҿкаара "Аԥсны акоманда", Ахада иплатформа "Урыстәыла - алшарақәа ртәыла " адгыларала, еизнагеит 1262 рзаҳал, урҭ рахьтә 1033 - Аԥсны атәылауаа рҟынтә. Аҵара ахәҭааан иалхын 636-ҩык, аицлабратә рзаҳал ахарҭәаара аԥхьа – 513-ҩык, адистанциатә тест ахысра аҟынӡа - 253 -ҩык алахәцәа.
Аекспорттә алхрақәа рылҵшәақәа рыла, иреиӷьыз 80 проект ааԥхьара рыҭан апроектқәа ракселератор ашҟа ааԥхьара рыҭан атуризми асасдкылареи риндустриахь, алатәаратә модульқәа ҩба ирхысит, атрекерцәеи аекспертцәеи рыдгылара роуит, иара убас аексперттә еилазаара аԥхьа ахьчаразы аӡыргарақәа мҩаԥыргеит.
" Урыстәылатәи ҳколлегацәа ирыбзоураны иахьа иҳамоуп ҳтуриндустриа аҿиаразы ицхыраагӡаны иҟало апроектқәа рынагӡаразы иуникалтәу аҭагылазаашьа, ", - иҳәеит Бадра Гәынба.
Аноменациақәа хәба рыҟны аиааира ргеит 40-ҩык алахәцәа: "Атуризм ахкқәеи иуникалтәу агәаанагарақәеи", "Асасдкылареи аинфраструктуреи", "Акультура, аԥсшьара, ахҭысқәа", «Аҵараиура, ацифратә ҳасабрақәа, ԥхьаҟа ацара», иара убас "Агәызҩыдаратәи асоциалтәи туризм". Алауреатцәа аԥхьахә азы 1 млн.мааҭ роуеит, иара убас инагоу аспециалистцәа рыҟны аҵара ахысреи, "Аԥсны асасдкылара азҟаза" ҳәа ахьӡи.
"Аԥсны аԥшӡара џьашьахәы - Анцәа иҟынтә ауп. Аха асасдкылара - ауаа рҟынтә ауп есқьынгьы. Ари агәаҟынтә-аԥсаҟынтә иаауеит. Агәра згоит, шәыпроектқәа шәыдгьыл гәакьахь ишәымоу абзиабара иара убас зықьҩыла, иҟалап миллионҩыла Аԥсынтәыла аԥсшьаҩцәа рызнагара шалдыршо", - иҳәеит Сергеи Кириенко.
"Асас дыздызкыло Аԥсны" апроект аҳәаақәа ирҭагӡаны анагӡара мҩаԥысуеит иҷыдоу апроект "Аԥсны ишәыднагалоит" - зџьабааи, зыԥхарреи рыла аԥсуаа рысасдкылара иаша аԥсҭазаара иалазырҵәо ауаа рзы. Апроект аҟны аиааира згаз "Аԥсны ишәыднагалоит" астатус роуеит, иара убас аиҿкааҩцәеи апартниорцәеи рҟынтә аԥхьахәқәеи аҳамҭақәеи.
Апроект ахыркәшаратә усмҩаԥгатә азгәаҭоуп 2026ш. лаҵарамзазы.