▫ ️ Ҳаҭыр зқәу Аԥсны Аҳәынҭқарра апрокуратура аусбарҭақәа русзуҩцәеи рветеранцәеи!

▫️ Гәык-ԥсыка ала ишәыдысныҳәалоит Аԥсны Аҳәынҭқарра апрокуратура аусзуҩ имш!

▫️ Аҳәынҭқарраҿы апрокуратура ихадоу ароль нанагӡоит азакәан ԥыжәара аҭара алыршараҟны, атәылауаа рзинқәеи рхақәиҭрақәеи рыхьчараҟны, аҳәынҭқарреи азинеиҿкаареи рырӷәӷәараҿы. Шәара аҭакԥхықәра ду шәыдуп азинтә ҳәынҭқарра ихадоу апринципқәа – азакәанра, аиаша, азакәан аҿаԥхьа зегьы реиҟарара ақәныҟәара аиламгаразы.

▫️ Аԥсны Аҳәынҭқарра апрокуратура аусбарҭақәа  рытрадициақәа ирызгәдузартә иҟоуп. Еиуеиԥшым ашықәсқәа рзы шәара шәыҩныҵҟа ари аусхк амаҵ азыруан апрофессионализми, апринципреи, рнапы иану аус азиашареи ауасхыр ӷәӷәа азышьҭазҵаз азиндырҩцәа дуқәа, аҳәынҭқарратә усзуҩцәа. Иахьа аусзуҩцәа рабиԥара ҿа арҭ атрадициақәа қәнагала аихаҳара иаҿуп, азыҟаҵареи, аҭакԥхықәреи, амаҵзуратә ҭакԥхықәра азиашареи аарԥшуа.

▫️ Шәара шәусура ауаажәларра аҳәынҭқарратә институтқәа рахь агәрагара ашьақәыргылара, ауаа рзинқәеи рзакәантә интересқәеи рыхьчареи иацхраауеит.

▫️ Ари аныҳәамш аҽны иҭабуп ҳәа шәасҳәоит хамеигӡарада имҩаԥыжәго аусуразы, аҭоуба азиашареи, иаашәырԥшуа азанааҭдырра ҳараки рзы.

▫️ Ишәзеиӷьасшьоит агәабзиара, ахирра, шәмаҵзураҿы ақәҿиара ҿыцқәа. Шәусура аринахысгьы Аԥсны Аҳәынҭқарра азакәанреи, аиашареи, аизҳазыӷьареи рырӷәӷәара иазкызааит!