"Ҳаҭыр зқәу Владимир Владимир-иԥа!

Гәык-ԥсыкала ишщыдысныҳәалоит Шәира амш.

Акыр шықәса инеиԥынкыланы Шәара иахьатәи ҳаамҭазы заҳаҭыр ҳараку иналукааша аҳәынҭқарратә усзуҩцәа шәыруаӡәкуп, Урыстәыла амилаҭтә интересқәа ирыдгыло, уи аҳәынҭқарра, асуверенитет, ашәарҭадара зырӷәӷәо, Урыстәылатәи Афедерациа аҳаҭыри ҳаамҭазтәи жәларбжьаратәи аизыҟазаашьақәа рсистема ашьақәыргылараҿы уи иааннакыло аҭыԥи рҵакы арӷәӷәара иацхраауа уаҩуп.

Аҳәынҭқарра амаҵ ауреи, аполитикатә мчхареи, апринципреи ирыбзоураны Урыстәыла анҭыҵгьы аполитик ду ихьӡ шәырҳаит. Шәара шәнапхгарала Урыстәылатәи Афедерациа аҭакзыԥхықәу адәныҟатәи аполитика мҩаԥнагоит, инеиԥынкыланы ииашоу, зинла еиҟароу адунеиеиҿкаара адгылара аҭо.  

Аԥсназы аҵак ҷыда амоуп Шәара хаҭала инашәыгӡо ароль аԥсуа-аурыс еизыҟазаашьақәа рышьақәгылареи рырӷәӷәареи рҿы. Акыр шықәсқәа раахыс ҳаидгыларатә еизыҟазаашьақәа ҿиоит, Аԥсны Аҳәынҭқарра ашәарҭадара аҽарӷәӷәоит, аекономикатә, асоциалтә, агуманитартә усхкқәа рыҟны аусеицура аҽарҭбаауеит.

Ҳтәылаҿы Шәара набыцра зқәым аҳаҭыр ду шәықәуп. Аԥсны жәлар ибзианы иргәалашәоит, ахә ҳаракны иршьоит акыр шықәса рыҩныҵҟа ҳреспублика иашәҭо адгылара. Агәра згоит Шәара шәхатә позициа иабзоураны Аԥсны Аҳәынҭқарреи Урыстәылатәи Афедерациеи рыбжьара астратегиатә усеицура аринахысгьы ишыӷәӷәахо.  

Ҳаҭыр зқәу Владимир Владимир-иԥа, акрызҵазкуа ари амш аҽны ишәзеиӷьасшьоит агәабзиара, амч, аҳәынҭқарратә усураҿы ақәҿиарақәа, Урыстәыла ахьӡала аихьӡара ҿыцқәа, ҳаиашьаратә урыстәылатәи ажәлар – аҭынчра, анасыԥ, аизҳазыӷьара».