Ишаԥу еиԥш, асасцәа ирԥылеит ауаԥс чашәқәа рнапы иқәҵаны, ашәаҳәарала, акәашарала. Аныҳәаҟны ирыдгалаз ачыс анаҩсан, иара убас еиҿкаан Алада Уаԥстәыла жәлар рнапҟазацәа русумҭақәа рцәыргақәҵа. Акультуратә программаҟны иҟан арҿиаратә коллективқәа рықәгыларақәа.  

 Цхьынвал ақалақь апавилион иаҭаараан Аԥсны Ахада Гәынба Бадра асасцәа ирыдыргалаз ауаԥс чашә иагәылаз амонета иқәшәеит.

Ахада иазгәеиҭеит аныҳәа ауаԥс жәлар мрилаҭтә хаҿра, рҟазара, рысысасдкылара уҳәа, рдац –ԥашә иақәырҵо аҳаҭыр шаныԥшыз.