Алахьеиқәратә усмҩаԥгатә иалахәын иара убас Ахада Ихаҭыԥуаҩ Бигәаа Беслан, аԥыза-министр Делба Владимир, Ахада Иадминистрациа анапхгабы Ешба Беслан, Аиҳабыра алахәцәа, Апарламент адепутатцәа, аҭҵаарадырра аусзуҩцәа, ауаажәларра ахаҭарнакцәа.

Ахада Лакоба Станислав иуацәеи иҭынхацәеи дрыдышшылеит. Аҳәынҭқарра Ахада иазгәеиҭеит   Станислав Зосим-иԥа иҭахара атәылазы харҭәаашьа змам цәыӡны ишыҟалаз. Уи аҭҵаарадырреи амилаҭ-хақәиҭратә қәԥараҟны илагала ахә ашьара шыуадаҩу.