Print this page
Ашәахьа, 27 Жьҭаара 2025 10:11

Аҧсны Ахада Гәынба Бадра Аусҧҟа инапы аҵаиҩит Аҧсны Ахада иҟны иҟоу Астратегиатә ҭҵаарақәа рцентр аиҭеиҿкааразы

Аҳәынҭқарра Ахада Иусҧҟа инақәыршәаны Аҧсны Ахада инормативтә зинтә актқәа Аҧсны Аҳәынҭқарра атәылауаҩратә закәанеидкыла иақәшәо аҟаҵара хықәкыс иҟаҵаны, 2025 шықәса нанҳәамза 13 аҟнытә Аҧсны Аҭҵаарадырра Академиа Ақәҵара ҳасаб азуны:

 

• Аҧсны Ахада иҟны иҟоу Астратегиатә ҭҵаарақәа рцентр еиҭеиҿкаазааит Аҳәынҭқарратә ҭҵаарадырратә усҳәарҭа «Астратегиатә ҭҵаарақәа рцентр» ҳәа Аҧсны Аҭҵаарадырратә Академиа аилазаара иалаҵаны.

• Ишьақәыргылоуп Аҧсны Ахада иҟны иҟоу Астратегиатә ҭҵаарақәа рцентр аусура иацнаҵалоит аиҿкаара-штаттә усмҩаҧгатәқәа хыркәшахаанӡа.

• Аҧсны Аҭҵаарадырратә Академиа ишьақәыргылоу аҧҟара инақәыршәаны Аҳәынҭқарратә ҭҵаарадырратә усҳәарҭа «Астратегиатә ҭҵаарақәа рцентр» Аҧҟаҧҵәа шьақәнарӷәӷәароуп, иалнаршароуп Аҧсны Аҳәынҭқарра Аиустициаҟны иара аҳәынҭқарратә шәҟәҭаҩра.           

• Аҧсны Аҳәынҭқарра Аиустициаҟны Аҳәынҭқарратә ҭҵаарадырратә усҳәарҭа «Астратегиатә ҭҵаарақәа рцентр» Аҧҟаҧҵәа аҳәынҭқарратә шәҟәҭаҩра анымҩаҧгаха инаркны 2006 шықәса жәабран 13 аҟнытә "Аҧсны Ахада иҟны иҟоу Астратегиатә ҭҵаарақәа рцентр аҧҵаразы" Аҧсны Ахада Иусҧҟа амч ацәыӡит ҳәа иазхаҵоуп.

Read 18 times
Икьыԥхьуп Новости