Аҳәынҭқарра Ахада Иусҧҟа инақәыршәаны, Аҧсны Ахада инормативтә зинтә актқәа «Аимадаразы» Аҧсны Аҳәынҭқарра азакәан инақәыршәаны:

Иеиҭеиҿкаазааит Аиҳабыратә еимадара аусбарҭа Аԥсны Аҳәынҭқарра Аминистрцәа реилазаараҟны аҳәынҭқарратә напхгара усбарҭа хаданы.

Ишьақәыргылоуп Аԥсны Аҳәынҭқарра Аиҳабыратә еимадара аусбарҭа аусура иацнаҵалоит ҳәа аиҿкаара-штаттә усмҩаҧгатәқәа хыркәшахаанӡа.

 2025 шықәса мшаԥымза 18 аҟнытә Аԥсны Аҳәынҭқарра Ахада Иусԥҟала ишьақәырӷәӷәоу  Аԥсны Аҳәынҭқарра Аминистрцәа реилазаара ашьақәгылашьа аԥсахрақәа алагалатәуп аилазаара IV аҟәша харҭәааны абри аҵакы змоу  апункт 10 ала: «10) Аиҳабыратә еимадара аусбарҭа».

Аԥсны Аҳәынҭқарра Аминистрцәа реилазаара иалнаршароуп Аиҳабыратә еимадара аусбарҭа азинмчқәа рышьақәыргылара.

Аԥсны Аҳәынҭқарра Аминистрцәа реилазаара Аиҳабыратә еимадара аусбарҭазы Аԥҟара анышьақәнарӷәӷәа инаркны амч рцәыӡит ҳәа иазхаҵоуп:

1999 шықәса абҵарамза 18 аҟнытә «Аиҳабыратә еимадара аусбарҭазы» Аԥҟара ашьақәырӷәӷәареи Аиҳабыратә еимадара аусбарҭазы аштаттә еихшанҵеи рзы» Аԥсны Аҳәынҭқарра Ахада Иусԥҟа.