Беслан Бигәаа иазгәеиҭеит аусеицура аҿиараҿы акрызҵазкуа аамҭахәҭаны ишыҟалаз Аҟәа имҩаԥысуаз Аԥснытәи жәларбжьаратәи аекономикатә форум. Афорум аҿы ишышьаҭаркыз аидгылақәа «Аԥсны аус знапы алаку ауааи» «Аус знапы алаку Урыстәылеи» рыбжьара аусеицура.

▫️ Ари аусура иацнаҵеит Петербургтәи жәларбжьаратәи аекономикатә форум аҿы аусеицуразы аиқәшаҳаҭра анапаҵаҩрала. Ахада Ихаҭыԥуаҩ иажәақәа рыла, «Аус «Аус знапы алаку Урыстәыла» аделегациа аара — ирыбжьарҵаз аиқәшаҳаҭрақәа рынагӡара шхацыркхаз азы шаҳаҭра ауеит.

▫️ Беслан Бигәаа инаҵшьны иазгәеиҭеит Аԥсны азы урыстәылатәи анаплакратә еилазаареи ҳареи ҳусуратә еимадарақәа рыҿиара аҵак ду шамоу — уи иҭышәынтәалоу аимадарақәа рышьақәыргылареи, аԥышәа аимдареи, аусеицура ахырхарҭа ҿыцқәа рышьақәыргылареи рзы лшара бзианы ишыҟоу.

▫️ Ахада ихаҭыԥуаҩ иазгәеиҭеит аҳәынҭқарра аганахьала аустә активра аҿиареи урыстәылатәи абизнес-уаажәларра аус ацура арӷәӷәареи ареспублика ԥхьаҟатәи аекономикатә ҿиаразы акрызҵазкуа ҭагылазаашьоуп ҳәа ишахәаԥшуа.

▫️ Ахыркәшамҭаз Беслан Бигәаа иҳәеит аделегациа  аҭаара Аԥсни Урыстәылеи русуратә еимадарақәа рырӷәӷәараҿы изаамҭанытәиу шьаҿаны ишыҟало, аиԥылара алахәцәа ирзеиӷьеишьеит иконструктивтәу аусура, ихацарку аусеицура қәҿиарала ацҵара.