▫️ «Ари аихшьалоуп ҳазҳәаӡом, ари алагамҭоуп. Ари аӡәыкны ҳаидызкыло ауп, аполитикатә, адинхаҵаратә, мамзаргьы амилаҭтә ҷыдарақәа рыла акәымкәа. Ари зтәыла хьаас измоу, ҳҳәынҭқарра арҿиаразы ирылшо зегьы ҟазҵо, акны, иеиԥшны ихәыцуа ауаа ркоманда ауп», — иҳәеит Ахада, алахәцәа дрыдныҳәало.

▫️ Аҳәынҭқарра Ахада иазгәеиҭеит апроект иара иаԥшьгарала ишымҩаԥысуа. Уи аԥхьа Ахада Урыстәылатәи Афедерациа Владимир Путин ихьӡала аҳәара ҟаиҵеит анапхгаратә кадрқәа разыҟаҵаразы иуникалтәу урыстәылатәи аԥышәеи аметодикеи амдараҟны ацхырааразы.

▫️ Гәынба Бадра иара убас иҳәеит иаргьы арҭ арҵаратә технологиақә анапхгаратә процессқәа даҽакала ахәаԥшразы алшара ширҭаз. 

▫️ Ахада иазгәеиҭеит аҳәынҭқарратә кадртә политика аҳәаақәа ирҭагӡаны иеиуеиԥшым аусхкқәа рыҟнытә апрофессионалцәа радԥхьалара шаҭаху — ҳаамҭа иақәшәо азнеишьақәа змоу, атәыла аҿаԥхьа иқәгылоу ауснагӡатәқәа лыҵшәа рыманы аӡбара зылшо ауаа.  

▫️ Агәраргагақәа афиналистцәеи анапхгаҩцәа реицлабра «Аԥсны акоманда» алахәцәеи рнапы иадыркит ахада иплатформа «Урыстәыла – алшарақәа ртәыла» Адиректор хада, Аҟазараҭатә усбарҭа «Сенеж» аректор Андрей Бетин, Аԥсны Ахада   Иадминистрациа Анапхгаҩы Ешба Беслан.