Ишәыдысныҳәалоит шәзанааҭтә ныҳәа!

  Ашәахтә маҵзура ихадоу ароль нанагӡоит аҳәынҭқарра асистемаҿы, атәыла абиуџьет иҭышәынтәаланы ахарҭәаара алыршо, асоциалтәи аекономикатәи программақәа рынагӡара аусхыр азышьҭаҵаны. Аҭакԥхықәра зцу, азанааҭдыррала имҩаԥыжәго аусура акыр иабзоуроуп афинанстә система аҭышәынтәалареи ҳҳәынҭқарра аҿиареи.

Иахьа ҷыдала иазгәаҭатәуп ашәахтә усбарҭақәа русураҿы аихьӡарақәа шыҟоу: ахылаԥшра иазку аусура есааира аиӷьхара иаҿуп, алҵшәақәа ирызҳауеит, асистема еиҳа аартреи,  арманшәалареи, алҵшәа аманы иҟазҵои ҳаамҭазтәи азнеишьақәеи атехникатә инновациақәеи алагалахоит.

 Иҭабуп ҳәа шәасҳәоит ламысцқьала имҩаԥыжәго аусуразы, шәџьабаазы, гәык-ԥсыкала аус шәазыҟааразы, иҳараку шәзанааҭдырразы.

Ишәзеиӷьасшьоит агәабзиара, ахирра, аринахысгьы шәмаҵураҿы ақәҿиарақәа, Аԥсны Аҳәынҭқарра аизҳазыӷьаразы аихьӡара ҿыцқәа!