▫️ Аԥсны Аҳәынҭқарра Ахада Бадра Гәынба Аусԥҟа инапы аҵаиҩит аорден «Ахьӡ-Аԥша» III аҩаӡара анашьареи "Аԥсны Аҳәынҭқарра акультура зҽаԥсазтәыз аусзуҩ" ҳәа ахьӡ ахҵареи рзы. ▫️ Амилаҭтә журналистика аҿиараҿы ллагала ду азы, шықәсырацәалатәи ламысцқьала лџьабаазы аорден «Ахьӡ-Аԥша» III аҩаӡара ланашьоуп Иаковлева Лилиана Михаил-Иԥҳа. ▫️ Амилаҭтә журналистика аҿиараҿы ллагала ду азы, шықәсырацәалатәи ламысцқьала лџьабаазы «Ахьӡ-Аԥша» аорден III аҩаӡара лыԥсҭазаара даналҵ ашьҭахь иланашьоуп Ҵәыџьба Заира Иасон-Иԥҳа. «Аԥсны Аҳәынҭқарра акультура зҽаԥсазтәыз аусзуҩ« ҳәа аҳаҭыртә хьӡы ранашьоуп агазеҭ «Республика Абхазия« аредакциа аусзуҩцәа: * Акаба Лиудмила Михаил-иԥҳа; * Алексеева Татиана Иури-иԥҳа; * Габуниа Марина Дмитри-иԥҳа; * Михаилиук Варвара Николаи-иԥҳа; * Муцба Рита Гьаргь-иԥҳа.