Урыстәыла Аԥсны асистематә цхыраара аҭара иацнаҵоит атехника аҭарала. Шықәсыки бжаки рыҩныҵҟа изныкымкәа иаанашьҭхьеит: ашколтә автобусқәа, амедицинатә машьына ласқәа, еиҭаҵуа афлиуорограф, Аҩныҵҟатәи аусқәа рминистрразы автомашьынақәа, акоммуналтә техника, "асоциалтә такси" азы атранспорт.иалахәын Урыстәылатәи арегионқәа, аусбарҭақәа, ауаажәларратә еиҿкаарақәа.
Бадра Гәынба УА Аиҳабыра Ахантәаҩы Актәи ихаҭыҧуаҩ Денис Мантуров дидикылеит
Аԥсны аҳәынҭқарра Ахада Бадра Гәынба аиԥылара мҩаԥигеит Аԥсны усуратә визитла иаҭааз Урыстәылатәи Афедерациа Аиҳабыра Ахантәаҩы Актәи ихаҭыҧуаҩ Денис Мантуров дызлахәыз.
«Ҳара ҳзы иахьатәи шәаара акырӡа аҵанакуеит. Аԥсны аҳәынҭқарреи Урыстәылатәи Афедерациеи реизыҟазаашьақәа хырхарҭа рацәала аҿиара иаҽуп: арратә, аекономикатә, асоциалтә усхкқәа рыҟны. Иҭабуп ҳәа шәасҳәарц сҭахуп ҳусеицуразы, иагьазгәасҭарц сҭахуп Владимир Владимир-иԥа Путин ибзоурала ихацырку, акыршықәса раахыс ҳаизыҟазаашьақәа аҿиара ишаҿу», - иҳәеит Бадра Гәынба.
Ирылацәажәеит ахәаахәҭра-економикатә усеицура иазкыз азҵаарақәа.
Иазгәаҭан аустә еимадарақәа рырҭбаара аҵакы. Уи иацхраауеит иааиԥмырҟьаӡакәа имҩаԥысуа Аԥсни Урыстәылеи рнаплакыҩцәа злахәу аусмҩаԥгатәқәа. Хазы иазгәаҭан «Аԥсны – аԥеиԥш иазынархоу аинвестициақәа» ҳәа хьӡыс измаз мшаԥымзазы Аҟәа имҩаԥгаз Жәларбжьаратәи аинвестициатә форум.
«Ари атема ҷыдала актуалра амоуп Аԥсны аекономиказы лыҵшәа змоу, аинвестициатә модель аԥҵаразы ҳтәылақәа имҩаԥырго аусура ҳасаб азуны. Ари аҩ-ганкгьы ртауареикәыршара анырра бзиа анаҭоит, уи хәышықәса рыҩныҵҟала 2,5-нтә еизҳаит», - иҳәеит Денис Мантуров.
Ҷыдала азҿлымҳара аҭан атауареикәыршара аизырҳаразы алшарақәа, Урыстәылатәи аџьармыкьахь инеиуа аԥсуа ааглыхратә аалыҵқәа рхыԥхьаӡара аизҳарагьы уахь иналаҵаны.
Бадра Гәынба Андреи Назаров Ареспублика Башкортосҭан Аҳәынҭқарратә Еизара Ахантәаҩыс иалхра идиныҳәалеит
Аԥсны Аҳәынҭқарра Ахада Бадра Гәынба Андреи Назаров Ареспублика Башкортосҭан Аҳәынҭқарратә Еизара – Курултаи Ахантәаҩыс иалхра идиныҳәалеит.
Ҭелла реицәажәараҿы Бадра Гәынба иазгәеиҭеит Андреи Назаров Аԥсни Башкорҭосҭани рыбжьара асоциал-економикатәи акультуратәи еимадарақәа рырҿиараҿы хаҭалатәи илагала ду.
Аҳәынҭқарра Ахада Андреи Назаров иҭабуп ҳәа иеиҳәеит Ареспублика Башкорҭосҭан Аиҳабыра Аԥыза-министрс иҟазараан Аԥсны иаиҭаз адгылареи ацхыраареи рзы.
Бадра Гәынба Андреи Назаров изеиӷьеишьеит амаҵура ҿыц аҿы ақәҿиарақәеи Ареспублика Башкорҭосҭани Урыстәылатәи Афедерациеи реизҳазыӷьаразы хра злоу аусуреи.