Аҳәынҭқарра ахада аицлабрақәа ирылахәызи аиааира згази дрыдныҳәалеит, аҽыбӷаҟазаратә спорт аиқәырхареи аҿиареи аҵак ду шрымоу инаҵшьны иазгәеиҭеит.
Атәыла ахада иазгәеиҭеит иахьатәи аныҳәа аспорттә хҭыс адагьы ажәлар рҭоурыхи, аԥсуа милаҭтә ҷыдареи, рытрадициақәеи, рдунеихәаԥшышьеи шаныԥшуа. Бадра Гәынба иҭабуп ҳәа реиҳәеит аҽыбӷаҟазаратә спорт еиқәырханы иаазго, ари аус амаҵ азызуа, амилаҭтә ҭынха мырӡкәа аԥхьаҟатәи абиԥарақәа ирызназго зегьы.