"Азин сышәҭозар, Урыстәылатәи Афедерациа ажәлар зегьы аҳәынҭқарратә ныҳәа хада - Урыстәыла амш рыдысныҳәалар сҭахуп. Ари аныҳәа символра ауеит урыстәылатәи аҳәынҭқарра  шәышықәсалатәи аҭоурых, акырӡа ибеиуоу аҭоурыхтәи акультуратәи ҭынха. Урыстәыла - ҳара ҳзы стратегиатә партниор мацараӡам, уи ҳара ҳзықәгәыӷуа ҩыза дууп",-иҳәеит Бадра Гәынба.

Аҳәынҭқарра Ахада аурыс жәлар иҭабуп ҳәа реиҳәеит аҧсуа ҳәынҭқарра ахьыҧшымра азхарҵаразы, Урыстәыла Аҧсны ианаҭо ацхырааразы, жәларбжьаратәи азхаҵара аҳәаақәа арҭбааразы имҩаԥнаго аусуразы, иара убас аҿиара амҩа иахьадгыло азы.

Аҧсны жәлар рыхьӡала Гәынба Бадра Владимир Путин идиныҳәалеит.

"Аҧсны жәлар рыхьӡала Урыстәылатәи Афедерациа Ахада  Владимир Путини Урыстәыла ажәлари ирыдысныҳәаларц сҭахуп акырӡа зҵазкуа аныҳәамш, зыҧсадгьыл гәыла-ҧсыла амаҵ азызуа зегьы. Аныҳәа шәадныҳәалаз, акыр иаҧсоу аҩызцәа!",-иҳәеит Ахада.