Аныҳәатә еилатәараҟны дықәгылеит Ахада Ихаҭыԥуаҩ Бигәаа Беслан.
Аԥсны Аҳәынҭқарра Ахада Гәынба Бадра ихьӡала Ҟарачы-Черқьестәи Ареспублика ахада Рашьыд Ҭемрезови Ҟарачы-Черқьесиа ажәлар зегьи рыхьӡала адныҳәалара даԥхьеит Ахада Ихаҭыԥуаҩ Бигәаа Беслан.
Адныҳәаларатә цҳамҭаҟны иҳәоуп:
«Ҳаҭыр зқәу Рашьыд Бориспи-иԥа!
Аԥсны жәлар рыхьӡала, хаҭала сара сыхьӡала Шәара аԥхьа шәнаргыланы, ҳаиашьаратә Ҟарачы-Черқьесиа ажәлар зегьы гәык-ԥсык ала ирыдысныҳәалоит акрызҵазкуа арыцхә — шәықалақь 200 шықәса ахыҵра амш.
Черқьеск — ҭоурыхла, культурала ибеиоу, атрадициа бзиақәа змоу қалақьуп. Ара инхоит анхара-анҵыра згәы аҳәо, асасдкылара аҵас бзиа змоу, аԥсадгьыл абзиабареи асас ҳаҭыр иқәҵареи ахаангьы аԥхьа изыргылоз ауаа.
Ҳара ҳзы аҵак ду амоуп Аԥсни Ҟарачы-Черқьестәи Ареспубликеи реизыҟазаашьақәа шьаҭас ирымоу аиҩызареи аиуареи. Ари аиҩызара уасхыр иазышьҭоуп ашәышықәсақәа раахыс хаидызкыло иаҳзеиԥшу аҭоурых, аицхыраара, аиашьеи аиашьеи рыбжьара аҳаҭырқәҵара.
Агәра згоит Черқьеск аԥхьаҟагьы аҿиара шаиуа ҳаамҭазтәи ақалақь аҳасабала, ахатә хаҿреи ибеиоу акультуратә ҭынхеи реиқәырхарала.
Ҟарачы-Черқьестәи Ареспублика ажәлар ирзеиӷьасшьоит аизҳазыӷьара, агәабзиара, ҩнаҭацыԥхьаӡа – ахирра».