.

▫️ Аԥсны Аҳәынҭқарра Ахада Гәынба Бадра Гагра араион ахь иусуратә ныҟәарақәа раан 12 км ахьыбжьоу амҩа ду аҟны аусурақәа рымҩаԥысшьа дахәаԥшны ибеит.

▫️ Шьаҭанкылатәи аргылара аусбарҭа аиҳабы Гамсаниа Демир Ахада адырра ииҭеит "Ԥсоу – Егры" амҩа ду аҟны аиҭашьақәыргыларатә усурақәа ишрымҽханакуа иазԥхьагәаҭоу иуашәшәыроу аҭыԥқәа 15, аусурақәа Аинвестпрограммала ишымҩаԥысуа.

▫️ Уи иҳәеит аусурақәа хықәкы хаданы ишрымоу абарҭ аҭыԥқәа рыҟны аныҟәара ашәарҭадара алыршареи иҳәазо аҭыԥқәа аҵыргәатә ҭыӡқәа рыла рырӷәӷәареи. 

▫️Ҳазҭыгылоу аамҭазы 9-тәии 15-тәии км -қәа рыҟны ишьҭыхуп аҵыргәатә ҭыӡқәа 10.

▫️ Ахада иаҵшьны иҳәеит ари амҩа ду иамоу аҵакы Урыстәылеи Аԥсни реимадаразы.

▫️ «Ари амҩа заҵәык ауп — ҳара ҳгәылара иҟоу аҳәынҭқаррақәеи ҳареи ҳаимаздо. Ари амҩа иамоу аҵакы еилкаауп, убри аҟнытә излауала арҿыцратә усурақәа ырццактәуп», — иҳәеит Ахада.