Аиԥылараан ирылацәажәеит Аԥсни Акорпорациа «Синергиеи» аҵареи акадрқәа разыҟаҵареи русхк аҟны аԥхьаҟатәи русеицура.

Аганқәа еицырзеиԥшу арҵаратә программақәа аус рыдулареи рынагӡареи, аквалификациа аизырҳареи, акадрқәа рзанааҭтә аиҭазыҟаҵареи, иара убас аԥснытәи аҵаратә усҳәарҭақәа аус рыцура аҿиареи рзы алшарақәа ирыхәаԥшит.

Хазы хшыҩзышьҭра аҭан аԥснытәи астудентцәа Акорпорациа «Синергиа» арҵаратә программақәа радԥхьалара алыршара.

Даниил Арефиев жәларбжьаратәи аусеицура ахырхарҭа хылаԥшра аиҭоит. Уи иусура  иаҵанакуеит аҳәаанырцәтәи арҵаратә еиҿкаарақәа аус рыцуратә еизыҟазаашьақәа рырҿиара, жәларбжьаратәи арҵаратә проектқәа рынагӡара.

Акорпорациа «Синергиа» еиднакылоит 50 инареиҳаны аилахәырақәеи аиҿкаарақәеи. Аусура ахырхарҭа хадақәа иреиуоуп иреиҳау, ибжьаратәу азанааҭтә ҵара, иназыцҵоу аҵареи аквалификациа аизырҳареи, абизнес-ҵареи, иара убас жәларбжьаратәи арҵаратә проектқәа рынагӡареи.