▫️ Аиԥылара далахәын аидгылара «Аԥсны аус знапы алаку уаа» ахантәаҩы Роман Каҷараа.

▫ ️ Ари ашықәс аҩныҵҟа хынтәуп ҳаиԥылоижьҭеи. Раԥхьатәи ҳаиԥылара мҩаԥысит аԥсны имҩаԥысуаз аекономикатә форум аҳәаақәа ирҭагӡаны, иахьа ҷыдала гәахәарала иазгәаҳҭоит аиқәшаҳаҭра ҳнапы анаҵаҳҩы инаркны аиқәшаҳаҭрақәа рҟынтә аусурахь ҳшыиасыз», — иҳәеит Бадра Гәынба, асас аԥсшәа иаҳәо.

▫️ Аҳәынҭқарра Ахада иазгәеиҭеит урыстәылатәи аколлегацәа рзанааҭтә лшара аҳаракра, иҭабуп ҳәа реиҳәеит аԥснытәи анаплакыҩцәеи дареи гәацԥыҳәарала русеицуразы.

▫️ Бадра Гәынба иҭабуп ҳәа реиҳәеит хра злоу аусуреи ареспубликаҿы анаплакра аҿиара иарҭо азҿлымҳареи рзы. Аҳәынҭқарра Ахада инаҵшьны иазгәеиҭеит абизнес маҷи абжьаратә бизнеси рыдгылареи, иара убас уи аҿиаразы аҭагылазаашьақәа раԥҵареи Аԥсны аекономикатә суверенитет ашьақәыргыларазы акрызҵазкуа ахырхарҭақәа ируакны ишахәаԥшуа.

▫️ Бадра Гәынба иҳәеит ишьақәгылаз аимадарақәеи иазгәаҭоу апрограмма анагӡареи алҵшәа бзиа шроуа, ареспубликаҿы анаплакра аҿиара иацхраауеит ҳәа агәра шиго атәы.  

▫️ Павел Титов иҳәеит аделегациа иалоу агәыԥ аԥснытәи рколлегацәа инҭырҳәцааны, хәҭа-хәҭала аус рыцуразы ишааз. Иазгәеиҭеит аиҿкаара «Аԥсны аус знапы алаку ауаа» аилазаара алшарақәа рыҳаракра, инаҵшьны иазгәеиҭеит аганқәа аусеицуразы апроектқәа жәпакы шаздырхиахьоу.

▫️ Аделегациа ахықәкы апрограммаҟны иҟоуп ареспублика анапхгареи дареи реиԥыларақәа, анаплакыҩцәеи дареи реиҿцәажәарақәа, иара убас ақалақьқәа Аҟәа, Очамчыра, Гал, Тҟәарчал рҭааразы зымҽхак ҭбаау аинвестициатә тур.