Аганқәа рылацәажәеит аԥсны-урыстәылатәи аусеицура иазкыз азҵаарақәа жәпакы.

Гәынба Бадра лаҵарамза 25 рзы Минеральные воды иаартыз Кавказтәи аинвестициатә форум, далахәын.

Апснытәи аделегациа аилазаараҟны иҟоуп аԥыза-министр Нанба Џьансыхә, афымцамч аминистр Мышәба Баҭал, аекономика аминистр  Амқәаб Ҭемраз.

Аԥсны астенд аҟны ахадаратә ҭыԥ ааннакылоит атәыла аинвестициатә ҭагылазаашьа гәыцәс иамоу Владислав Арӡынба ихьӡ зху  Жәларбжьаратәи аҳаиртә баӷәаза Аҟәа иазку аекспозициа.

Иара убас астенд аҟны ицәыргоуп аԥсуа наплакыҩцәа раалыҵ.

Афорум атема хада : "Аинвестициатә мҩа: Иҳаҩсхьоу аамҭа Ҳазҭагылоу аамҭа. Аԥеиԥш."

Афорум аусуратә программа иалахәуп аҳәынҭқарратә мчрақәа русбарҭақәа рнапхгаҩцәа, урыстәылатәи, иара убас жәларбжьаратәи анаплакқәа рнапхгаҩцәа,  Амассатә информациатә хархәагақәа, аҿартә, аҭҵааарадырратә еилазаарақәа рхаҭарнакцәа.

Аинвестициатә проектқәа рыҿиара хықәкыс измоу Афорум урыстәылатәи арегионқәа рыҟны аҳәынҭқарратәи ахазхатәи усеицуразы аиҿцәаржәарақәеи аустә еиқәшаҳаҭрақәеи ахьрыбжьарҵо ҭыԥны иҟоуп.

Афорум аиҿкааҩыс иҟоуп – Урысконгресс Афонд УА Аиҳабыреи Аекономика аҿиара аминистрреи рыдгыларала.