Адныҳәаларатә цҳамҭаҟны иҳәоуп:
«Ҳаҭыр зқәу Алла Оҭар-иԥҳа!
Гәык-ԥсык ала ишәыдысныҳәалоит Шәиубилеи! Абри амшныҳәа аҽны иҭабуп ҳәа шәасҳәарц сҭахуп азинӡбареи ҳтәыла аҿиареи рус гәык-ԥсык ала шықәсарацәалатәи амаҵ ауразы.
Шәара аҭоурых шәанылеит ӡбаҩыс иҟалаз раԥхьаӡатәи аԥсуа ԥҳәыс, Аԥсны Иреиҳаӡоу аӡбара Ахантәаҩы имаҵура аанызкылаз раԥхьатәи аԥҳәыс лаҳасабала. Азинӡбара аусбарҭақәа рыҟны шәусура ашықәсқәа рыҩныҵҟала Шәара зыквалификациа ҳаракӡоу апрофессионал ихьӡ, ҳтәыла ауааԥсыра раҳаҭыр шәаԥсахеит.
Шәара шәзанааҭтә усура, шәҟәыӷара, шәыламыс ацқьара ашьҭамҭа мыӡуа инхеит иҿыцу Аԥсны аҭоурых аҟны.
Ҳаҭыр зқәу Алла Оҭар-иԥҳа, ишәзеиӷьасшьоит агәабзиара, ахирра, анасыԥ».