Акыр иаԥсоу ҳауаажәлар!

Иахьа ҳара иазгәаҳҭоит Аԥсны Аџьынџьтәылатә еибашьра аҭоурых аҟны аҵак дуӡӡа змоу арыцхәқәа ируаку – Аҟәа ахақәиҭтәра амш. 

Жәаха мзы инарзынаԥшуа ҳаҳҭнықалақь ақәылаҩ импыҵакны иман. Ҳажәлар рзы ари ахьааи аԥышәареи ираамҭан. Ҳаибашьцәа изныкымкәа рҽазыршәахьан ақалақь ахы ақәиҭтәра. Ари нышәашьа амҭакәа, зныкгьы ҳақалақь гәакьа аӷа инапаҟны инҳажьуеит ҳәа рхахьгьы иаарымгеит.     

  1993 шықәса цәыббрамза 27 рзы Аԥсны Аҳәынҭқарра аҳҭнықалақь ахы иақәиҭтәын. Абри амш инаркны Аԥсны Аџьынџьтәылатә еибашьраҟны шьаҭанкыла аҭагылазаашьа аҽаԥсахит. 

Хашҭра рықәӡам Ҳаԥсадгьыл ахақәиҭтәреи ахьыԥшымреи зхы ақәызҵаз.  Урҭ зегьы аӡәаӡәала рфырхаҵара ԥсра-ӡра ақәӡамкәа ҳажәлар рҭоурых ианылеит. 

Аҟәа иахьа  — Аҧсны иагәеисыбжьуп, ҳхьыҧшымреи аҧхьаҟатәи ҳҧеиҧши ирсимволуп.  Есааира иԥшӡахоит, еизҳазыӷьоит ҳаҳҭнықалақь, агәаҭеи аҭоурыхи еицакра рықәӡамкәа.

Абри амш аҽны иҭабуп ҳәа раҳҳәоит Ҳаԥсадгьыл ахьчаҩцәа, урҭ арӷьажәҩара рзызуыз хатәгәаԥхаралатәи аибашьцәа. Иҭабуп ҳәа раҳҳәоит ҳфырхацәа ранацәеи рабацәеи, Аԥсны ахақәиҭра зыԥсҭазаара ахҭнызҵаз арԥарцәеи аҭыԥҳацәеи зааӡаз.

Акыр иаԥсоу хауаажәлар!

Иҟазааит аринахыс ҳадгьыл аҿы аҭынчра, ҩнаҭа цыԥхьаӡа иагымзааит анасыԥ, уаҵәтәи амш агәрагара.  Иеизҳазыӷьалааит ҳаҳҭнықалақь Аҟәеи, Ҳаԥсадгьыл Аԥсни рхақәиҭра ҳзаазгаз рыхьӡала.  

 Ҽаанбзиала шәнеилааит зегьы!