Урыстәылатәи Афедерациа Ахада Иадминистрациа Анапхгаҩы Актәи Ихаҭыԥуаҩ Сергеи Кириенко иҭаацәа ԥаса иахьынхоз ахыбра аиҭашьақәыргыларазы азыӡба идикылеит иара ихаҭа – аобиект еиҭашьақәыргылахоит ихатә харџь ала, Оҭар Хәынҵариа ихьӡ зху Аҳәынҭқарратә жәлар ринструментқәа роркестр иаҭахоит.

Гәынба Бадра иажәақәа рыла, архитекторцәа аусура ду мҩаԥыргеит архивтә документқәа рыҭҵааразы, XX ашәышықәсазтәи аҟәатәи архитектура аклассикатә стиль ала ахыбра ахаҿра аиҭашьақәыргыларазы. Апроект иазԥхьагәанаҭоит аҭоурыхтә ҭынха аиҷаҳарала азнеира. 

  Архитектор Кама Кациа лыпроект ала, актәи аихагылаҟны иҟалоит ацәыргақәҵатә зал амилаҭтә музыкатә инструментқәа рқәырԥшқәа ахьцәыргахо. Аҩбатәи аихагылаҟны иҟалоит аҟазарҭақәеи арепетициатә зали, акамертә концертқәа рымҩаԥгара иазкны.  

«Хархәара змоу ахыб ҟаҵазар, ахыб аҟнытә амузыка абжьы шьахәны игалоит», — иазгәеиҭеит Сергей Кириенко аргылара апроект даналацәажәоз.  

Аобиект ахархәарахь ирыҭахоит 2026 шықәса анҵәамҭазы. Акультуратә центр ҿыц Аԥсны ажәларқәа рмузыкатә традициақәа реиқәырхареи рырҿиареи ахьалыршахо ҭыԥны иҟалоит.