Аԥсны Аҳәынҭқарра Ахада Гәынба Бадра Абгархықә ақыҭа абжьаратәи ашкол даҭааит имҩаԥысуа арҿыцратә усурақәа ргәаҭаразы.  ▫️ Аҳәынҭқарра Ахада инапынҵала Шьаҭанкылатәи аргыларатә усбарҭа 1900 ԥшьыркца метра рҟынӡа ахыб аԥсахразы аусурақәа мҩаԥнагоит. Ҳазҭагылоу аамҭазы иԥсахуп 1400 ԥшьыркца метра рҟынӡа.  ▫️ Шьаҭанкылатәи аргыларатә усбарҭа аиҳабы Гамсаниа Демир иҳәеит аусурақәа амчыбжь иалагӡаны ишхыркәшахо. ▫️ Аҳәынҭқарра Ахада аргыларатә усбарҭа аиҳабы иирбеит уадақәак рыҟны аҭыӡқәа ирымоу аԥакәи. ▫️ Ахада иаҵшьны иҳәеит ахәыҷқәа ас еиԥш иҟоу аҭагылазаашьа ргәабзиара ишазеицәоу, хара имгакәа ари ари азҵаара аӡбара шаҭаху. ▫️ Ашкол аҟны иара убас 30 инареиҳаны ԥенџьыр ԥсахуп. ▫️ Ахада арҵаҩратә коллектив ирылеиҳәеит иааиуа амчыбжь азы ашкол иҿыцу ашколтә автобус шаиуа.  

▫️

Аԥсны Аҳәынҭқарра Ахада Иусԥҟала Урыстәылатәи Афедерациа Донецктәи Жәлартә Республика аҵакырадгьыл аҟны имҩаԥысуа Иҷыдоу арратә операциаҟны ахәцәа ралгараан иааирԥшыз

Г

 

  ⚡️ Аҟәа, абҵарамза 11 рзы иҟалаз аиҿахысразы зыгәҩара ыҟоу аанкылоуп. Абри азы Аԥсны Ахада Гәынба Бадра адырра ирҭеит ареспублика азинхьчаратә усбарҭақәа рнапхгаҩцәа аусуратә еилацәажәараҟны.    Апрокурор Хада Агрба Адгәыр аҳәамҭа ҟаиҵеит ацәгьоура шамахамзар ишаарту азы.    Агрба Адгәыр адырра ҟаиҵеит аоператив-усҭҵааратә усмҩаԥгатәқәа рымҩаԥысшьа азы, иҳәеит ацәгьоура аныҟала ашьҭахь хара имгакәа ашьаус шхацыркыз, азинхьчаратә усбарҭақәа – Аҩныҵҟатәи аусқәа рминистрреи Аҳәынҭқарратә шәарҭадара амаҵзуреи рнапхгаҩцәа анапынҵақәа шрыҭаз ацәгьоура иалахәыз ахаҿқәа рышьақәыргылареи раанкылареи рзы.   Апрокурор хада иҳәеит аоперативтә маҵзурақәа ацәгьоура анымҩаԥгаз ауха ишышьақәдыргылаз, иагьшааныркылаз ахаҿқәа жәпакы, урҭ Аҳәынҭқарратә шәарҭадара амаҵзура аамҭалатәи аанкыларҭахь ишнагаз аоператив-усеилыргаратә уснагӡатәқәа рымҩаԥгаразы.       Агрба иажәақәа рыла, аринахыс ашьаус иалахәыз егьырҭ ахаҿқәа рышьақәыргыларазы ауснагӡатәқәа мҩаԥыргалоит.     Аҳәынҭқарратә шәарҭадара амаҵзура Ахантәаҩы Дбар Дмитри иазгәеиҭеит зыгәҩара ыҟаз руаӡәык Урыстәылатәи Афедерациа аҵакырадгьыл аҟны, Адлер ақ. дшаанкылоу. Аанкылара алыршахеит урыстәылатәи аколлегацәа алархәны. Ҳазҭагылоу аамҭазы Аԥсны аҵакырадгьыл ахь ииагареи иаагареи рзы азҵаара аӡбара мҩаԥысуеит.    Аҳәынҭқарра Ахада адҵа ҟаиҵеит аус ҷыдала ахылаԥшразы, иара хаҭала аусеилыргаратә усмҩаԥгатәқәа хылаԥшра шриҭо азгәаҭаны.      «Ҳаҭыр зқәу аколлегацәа, иҟаҵоу ацәгьоура  ахылҟьа-ҿылҟьа зламоу ала, ари аус ҷыдала хылаԥшра амазароуп. Иҳаҩсыз амшқәа раан еиԥш, сара хаҭала ари аус хылаԥшра асҭалоит. Аусеилыргаратә усмҩаԥгатәқәа рҳәаақәа ирҭагӡаны аҳәара ҟасҵоит  аус здыжәулаз аинформациазы адырра сышәҭаларц. Иҭабуп ҳәа шәасҳәоит имҩаԥгоу аусуразы, ари ирласны инагӡатәыз усын. Азинхьчаратә усзуҩцәа ирласны иақәҿырҭит ҳәа сгәы иаанагоит. Аҳәара ҟасҵоит иалкаахаз аусзуҩцәа разгәаҭаразы.    Аусеилыргара аматериалқәа рыла ирласны, инҭырҳәыцааны арҵабыргыгақәа шьақәырӷәӷәатәуп ацәгьоуцәа ирыхәҭоу рақәыршәаразы. Ари аус аартызароуп, ҳуаажәларраҟны ирдыруазароуп ас еиԥш иҟоу ацәгьоура шаартхо, ацәгьоуцәа шахьырхәхо», — иҳәеит Гәынба Бадра.   Аҳәынҭқарра Ахада Апрокурор хада инапы ианиҵеит аусҭҵааразы изыхәҭоу аматериалқәа реизгара хаҭала хылаԥшра аиҭарц.    Абҵарамза 11 рзы иҟаҵаз ацәгьоура иахҟьаны 5-ҩык ахәрақәа роуит, руаӡәык ахәышәтәырҭаҟны иԥсҭазаара далҵит.     Ахада аԥхьатәи аминуҭқәа инадыркны аусҭҵаара хаҭала хылаԥшра аиҭоит.